कोल्हापूर येथील शहाजी लॉ कॉलेजमधून बारावीनंतर पाच वर्षांचा कायद्याचा अभ्यासक्रम प्रथम श्रेणीमध्ये पूर्ण. सर्वोत्कृष्ट विद्यार्थी हा पुरस्कार प्राप्त.
* १९९५ पासून दिवाणी, फौजदारी, सहकार आणि महसूल क्षेत्रात वकिली व्यवसाय.
* इचलकरंजी आणि परिसरातील विविध सहकारी संस्था, न्यास, औद्योगिक वसाहती, राष्ट्रीयीकृत आणि सहकारी बँका यांचे कायदेशीर सल्लागार.
* व्यवस्थापन महाविद्यालयात कायद्याचे मानद प्राध्यापक म्हणूनही काम.
* महाराष्ट्रातील एक अग्रगण्य ग्रंथालय असणाऱ्या इचलकरंजीच्या शतकोत्तर सुवर्णमहोत्सवी ‘आपटे वाचन मंदिरा'चे, प्रथम संचालक, पुढे सहकार्यवाह आणि त्यानंतर दहा वर्षे अध्यक्ष म्हणून काम. आपटे वाचन मंदिरामध्ये ७० हजार पेक्षा अधिक ग्रंथसंपदा असून ४ हजार पेक्षा अधिक सभासद त्याचा लाभ घेतात.
* ग्रंथालयाची वसंत व्याख्यानमाला ५० वर्षे अव्याहतपणे सुरू असून ग्रंथालयाच्या वतीने दिले जाणारे साहित्यकृती पुरस्कार सन्मान्य ठरले आहेत.
* वाचनसंस्कृतीला बळ मिळावे आणि विशेषत: लहान मुलांमध्ये वाचनाची आवड वाढावी म्हणून नावीन्यपूर्ण उपक्रमांची यशस्वी अंमलबजावणी.
* इचलकरंजी येथील दत्ताजीराव कदम टेक्निकल एज्युकेशन सोसायटी (डीकेटीई) या संस्थेचे विश्वस्त. या संस्थेद्वारा प्राथमिक व माध्यमिक मराठी व इंग्रजी शाळा, वाणिज्य व शास्त्र महाविद्यालय, तंत्रनिकेतन, आय. टी. आय., व्यवस्थापन महाविद्यालय आणि स्वायत्त टेक्स्टाइल व इंजिनिअरिंग इन्स्टिट्यूट इ.चे संचालन. देशातील वस्त्रोद्योगाचे सर्वोत्कृष्ट महाविद्यालय म्हणून या महाविद्यालयाचा सन्मान.
* विविध नियतकालिकांमधून लेख प्रसिद्ध.
* प्रभावी वक्ते म्हणूनही लौकिक.
