शून्यातून शंभराकडे

1 review for Shunyatoon Shambharakade

1. 

   Rated 5 out of 5

   SHAIKH MAHBOOB G – 26/07/2020

   शून्यातून शंभराकडे …….. छप्परबंद समाजातील एक यशोभरारी.
   नमस्कार,
   ललित वाड.मयात राजहंस पाणपक्षी मोती खातो व तो नीर-क्षीर विवेक असतो अशी त्याची अलंकारीक विशेषता सांगीतली जाते.त्याप्रमाणे पुस्तक प्रकाशन क्षेत्रातील “राजहंस प्रकाशन” सुध्दा लेखक रुपी मोती उचलून त्यांना पुस्तकांच्या माध्यमातून जगासमोर आणण्याचे कार्य करत आहे; त्यापैकी एक आहे छप्परबंद या मागास समाजातून पुढे आलेले सा.बा.विभागातील कार्यकारी अभियंता शेख सलीम साहेब लिखित “शून्यातून शंभराकडे….” हे आत्मचरित्र. त्यामुळे प्रथमतः राजहंस प्रकाशनाला माझा सलाम.
   हे पुस्तक मी जेंव्हा रात्री हातात घेतले तेंव्हा वाटले की, यात असेल सलीम साहेबांची संपूर्ण जीवनगाथा मी असे केले ,मी तसे केले वगैरे वगैरे;पण बालपणीचा काळ कष्टाचा हे प्रथम प्रकरण वाचत असतांना त्यातील प्रसंग व बारकावे वाचून माझ्या बालपणीच्या आठवणी आपसकूच जागृत झाल्या व हे माझेच आत्मचरित्र मी वाचतो की काय असे वाटू लागले व एका बैठकीत मी अर्धे पुस्तक वाचून हाता वेगळे केले.ज्याचा जीवन प्रवास संघर्षमय व ग्रामीण पार्श्वभूमी असेल त्यांना हे पुस्तक म्हणजे स्वतःचेच आत्मचरित्र आहे असे वाटल्या शिवाय राहणार नाही याची मला पूर्ण खात्री आहे. ब-याचजणांच्या बाबतीत यातील केवळ पात्रांची नांवे, प्रसंग व स्थळ वेगळे असतील इतकेच.याचे मुख्य कारण म्हणजे लेखकाने कुठेही आपली शेखी न मिरवता आत्मस्तुतीही केलेली नाही व प्रसंगांची वास्तविक मांडणी करुन खरा प्रसंग डोळ्यासमोर उभा करण्याचा सुंदर प्रयत्न केला आहे.
   मुस्लीम समाजातील तसेच समाज कल्याण विभागातील बहुतांश जणांना माहित नसलेल्या छप्परबंद समाजाशी संबंधीत अनेक बाबी लेखकाने प्रकाशात आणून सर्वांच्या ज्ञानात नवीन भर घातली आहे. लेखकाने एकंदरच आपले कुटुंब, शाळा, गुरुजनवर्ग, वर्गमित्र,वर्गमैत्रिणी तसेच तेजोमय खोकरमोहा या गावातील सर्वधर्मिय सण ,धार्मिक उत्सव तसेच माझे तेजोमय गाव या प्रकरणात त्यांची मुलगी कु. इब्तिसाम फातिमा व आंतरराष्ट्रीय बुध्दीबळपटू मुलगा नुबैरशहा शेख यांच्या यशाचा उल्लेख करुन आठवणींना योग्य व समतोल उजाळा देऊन या सर्वांची एक प्रकारे कृतज्ञताच व्यक्त केली आहे असे मला वाटते.
   स्थापत्य अभियांत्रिकी क्षेत्रातील पदविका, पदवी, स्नातकोत्तर पर्यंत अर्हता प्राप्त करण्याच्या जीवन प्रवासात केलेला संघर्ष,त्यातून आलेला अनुभव व मित्रांची व इतरांची पदोपदी मिळालेली साथ यांचा नुसता उल्लेख नसून प्रसंगानुरुप आवर्जून मित्रांचा व इतरांचा नामोल्लेख करुन मित्रच माझी खरी शक्ती आहेत हे ” मित्र संग्रहणे बल संपद्यते” या उक्ती प्रमाणे सप्रमाण त्यांनी सिध्दही केले आहे.
   पुस्तक वाचतांना कुठेही कंटाळवाने होत नाही,त्यातच साठवणीतल्या आठवणी प्रकरणामध्ये मजेशिर प्रसंगाची आठवण करुन हलका फुलका विनोद निर्माण केला आहे. एकंदरच हे पुस्तक वाचतांना अभि.शेख सलीम साहेब हे एक चांगले पुत्र,विद्यार्थी,मित्र,पिता,लेखक,कलाकार,उत्कृष्ट अभियंता व उत्तम समुपदेशक (Motivator) आहेत याची प्रचीती येते.
   पुस्तकातील 33 प्रकरणांना दिलेले शिर्षक त्यातील मसुद्यास समर्पक असून चित्रबध्द केलेल्या आठवणीत “ईश्वर अल्ला तेरो नाम….” हे शिर्षक सर्वधर्म समभावाची शिकवण देते. पुस्तकाचे मुखपृष्ठ व आतील मांडणी आकर्षक असून पुस्तकात कुठेही चुक आढळून आलेली नाही हे उत्तम मुद्रितशोधनाचे फलित आहे असे मला वाटते.
   स्पर्धा परिक्षा देणा-या व जीवनात संघर्ष करणा-या सर्वांसाठी हे पुस्तक प्रेरणादायी असून ते त्यांनी नक्कीच वाचावे व आपल्या संग्रही ठेवावे असे माझे प्रांजळ मत आहे.
   एक चांगले आत्मचरित्र पुस्तकस्वरुपात लेखनबध्द केल्याबद्दल अभि.शेख सलीम साहेबांचे व त्यास प्रकाशित करुन आम्हाला उपलब्ध करुन दिल्याबद्दल राजहंस प्रकाशनाचे अभिनंदन व आभार.

   आपला एक वाचक,

   शेख एम.जी.
   शाखा अभियंता (जलसंपदा विभाग)
   विष्णुपूरी प्रकल्प विभाग क्र.2,नांदेड.
   भ्रमणध्वनि क्र.9370197910
   ई-मेल- reyyansk123@gmail.com